पनवेल / प्रतिनिधी : समाजसेवा हीच ईश्वरसेवा या ब्रिदवाक्याप्रमाणे व कोरोना साथीचा आजार कोविड -१९ साथीचा वाढता प्रादुर्भाव पाहता श्रीमंत छत्रपती मा. खा. उदयनराजे भोसले यांच्या आदेशाने व संघटनेचे अध्यक्ष जितेंद्र खानविलकर उर्फ काकासाहेब तसेच महाराष्ट्र संघटक प्रमुख अशोक शिगवण उर्फ अच्चूभाई, कार्याध्यक्ष प्रकाश कोळी, चिटणीस मंगेश लाड, सरचिटणीस चंद्रकांत धडके उर्फ मामासाहेब यांच्या मार्गदर्शनानुसार राजे प्रतिष्ठान कामगार सेनेचे रायगड जिल्हा संघटक केवल महाडिक यांच्या संकल्पनेतून मोफत निर्जंतुकीकरण करण्याचे अभियान सुरू करण्यात आले आहे. या अभियानांतर्गत आज दिनांक २ जूलै 2020 रोजी कर्जत तालुक्यातील लाडवली गाव येथे मोफत निर्जंतुकीकरण करण्यात आले. लाडवली गावातील आदिवासी व कातकरी वाडी तसेच गावातील घरांच्या आजूबाजूला कोरोना व इतर रोगांपासून खबरदारीचा उपाय म्हणून जंतुनाशक फवारणी करण्यात आली यावेळी रायगड जिल्हा संघटक केवल महाडिक, रायगड जिल्हाध्यक्ष शिवाजी कराळे, राजे प्रतिष्ठान रायगड जिल्हा उपाध्यक्ष प्रकाश तुपे, ग्रुप ग्रामपंचायत लाडवली सदस्य जनाताई पवार, लाडवली ग्रामपंचायत सदस्य भाऊ दादा बैलमारे, पनवेल तालुकाध्यक्ष संतोष आमले, कर्जत तालुका कार्याध्यक्ष कृष्णा लबडे, तालुका उपाध्यक्ष तुकाराम मामा, राजे प्रतिष्ठान सदस्य भानुदास तुपे, विजय शिंदे, ओमकार महाडिक, अक्षय घाडगे, लाडवली ग्रामपंचायत हरिचंद्र दगडे साहेब व ग्रामस्थ उपस्थित होते. राजे प्रतिष्ठान कामगार सेना पनवेल यांच्यावतीने संपूर्ण तालुक्यात राबविण्यात येणाऱ्या या उपक्रमाचे कौतुक होत आहे.
