पनवेल / प्रतिनिधी : कोरोना विषाणू साथीचा आजार दिवसेंदिवस वाढत चालला असून यामुळे पनवेल तालुक्यात लॉकडाऊन देखील वाढविण्यात आले आहे. पनवेल महानगर पालिका हद्दीत समाजसेवा हीच ईश्वरसेवा या ब्रिदवाक्याप्रमाणे श्रीमंत छत्रपती मा. खा. उदयनराजे भोसले यांच्या आदेशाने व संघटनेचे अध्यक्ष जितेंद्र खानविलकर उर्फ काकासाहेब तसेच महाराष्ट्र संघटक प्रमुख अशोक शिगवण उर्फ अच्चूभाई, कार्याध्यक्ष प्रकाश कोळी, चिटणीस मंगेश लाड, सरचिटणीस चंद्रकांत धडके उर्फ मामासाहेब यांच्या मार्गदर्शनानुसार राजे प्रतिष्ठान कामगार सेनेचे रायगड जिल्हा संघटक केवल महाडिक यांच्या संकल्पनेतून मोफत निर्जंतुकीकरण करण्याचे अभियान सुरू करण्यात आले आहे. या अभियानांतर्गत आज दिनांक ७ जूलै 2020 पनवेल महानगर पालिका हद्दीतील पनवेल शहरातील टपाल नाका येथील श्री कृपा बिल्डिंग, नवीन पनवेल सेक्टर २ येथील जेष्ठ नागरिकांचे रो हाऊस तसेच पनवेल येथील पटेल पार्क मधील श्री पूजा को ऑप सोसायटी याठिकाणी मोफत निर्जंतुकीकरण करण्यात आले. यावेळी रायगड जिल्हा संघटक केवल महाडिक, पनवेल तालुकाध्यक्ष संतोष आमले, विजय शिंदे, ओमकार महाडिक, अक्षय घाडगे, गंगाराम शिंदे आदी उपस्थित होते. राजे प्रतिष्ठान कामगार सेना पनवेल यांच्यावतीने संपूर्ण तालुक्यात राबविण्यात येणाऱ्या या उपक्रमाचे कौतुक होत आहे.
