निसर्ग चक्रीवादळात नुकसान झालेल्या घरांची दुरुस्ती करून देण्याची विरोधी पक्षनेते प्रितम म्हात्रे यांची मागणी.
पनवेल : ३ जून रोजी आलेल्या निसर्ग चक्रीवादळाने पनवेल महानगरपालिका हद्दीतील अनेक घरांचे नुकसान झालेले आहे. या नैसर्गिक आपत्तीने पनवेल शहरातील अशोकबाग लोखंडीपाडा येथील नवनाथ बबन खांडपेकर, फशी शिवराम पाटील, सुभाष प्रकाश डिंगीया, शैलेश कुणा घरत या रहिवासीयांच्या घरांचे नुकसान झाले असून पालिकेच्या वतीने सदर घरांची दुरुस्ती करून देण्यात यावी. अशी मागणी पालिकेचे विरोधी पक्षनेते प्रितम म्हात्रे यांनी आयुक्तांकडे निवेदनाद्वारे केली 
आहे.
आहे. नुकत्याच झालेल्या 'निसर्ग' चक्रीवादळामुळे अनेक घरांंची पडझड झाली. तर अनेक घरांचेे पत्रे उडून गेले आहेत. त्यामुळे कित्येकांचे हजारो रुपयाचे नुकसान झाले आहे. या वादळाचा फटका अनेक गोर गरीब नागरिकांना बसला आहे. पत्रे फुटल्याने अनेकांच्या घरात पाणी गेले होते. या चक्रीवादळाने पनवेल महानगरपालिका हद्दीतील अनेक घरांचे नुकसान झालेले आहे. या नैसर्गिक आपत्तीने नुकसान केलेल्या घरांचे पंचनामे करून घरांची दुरुस्ती करून देण्यात यावी अशी मागणी देखील पनवेल महानगरपालिलेचे विरोधी पक्ष नेते प्रितम जनार्दन म्हात्रे यांनी पालिकेकडे केलेली आहे.
