पोलीस उपनिरीक्षक रोहित बंडगर यांना "आंतरिक सुरक्षा सेवा" पदक जाहीर

पनवेल(प्रतिनिधी) देशातील नक्षलग्रस्त आणि जोखिमच्या भागात २०१५ ते २०१८ या कालावधीत गडचिरोली जिल्ह्यातील झिंगापूर या अतिदुर्गम नक्षलग्रस्त भागात प्रभारी अधिकारी म्हणून खडतर सेवा पार पाडल्याबद्दल नवी मुंबई पोलीस आयुक्तालय अंतर्गत कामोठे पोलीस ठाण्यात गुन्हे प्रकटीकरण पथकात कार्यरत असणारे डँशिंग पोलीस उपनिरीक्षक रोहित पंडितराव बंडगर यांना केंद्र सरकारने "आंतरिक सुरक्षा सेवा" पदक जाहीर केले गेले.पदक जाहीर होताच सर्व पोलीस दलात उत्साहाचे व आनंदाचे वातावरण निर्माण झाले आहे.   यापूर्वी बंडगर यांना अश्याच कामगिरीसाठी महाराष्ट्र शासनाने २६ जाने २०२० रोजी "विशेष सेवा पदक"देऊन गौरविण्यात आले होते.