पनवेल / प्रतिनिधी : कोरोना साथीचा आजार कोविड -१९ साथीचा वाढता प्रादुर्भाव पाहता श्रीमंत छत्रपती मा. खा. उदयनराजे भोसले यांच्या आदेशाने व संघटनेचे अध्यक्ष जितेंद्र खानविलकर उर्फ काकासाहेब तसेच महाराष्ट्र संघटक प्रमुख अशोक शिगवण उर्फ अच्चूभाई, कार्याध्यक्ष प्रकाश कोळी, चिटणीस मंगेश लाड, सरचिटणीस चंद्रकांत धडके उर्फ मामासाहेब यांच्या मार्गदर्शनानुसार राजे प्रतिष्ठान कामगार सेनेचे रायगड जिल्हा संघटक केवल महाडिक यांच्या संकल्पनेतून पनवेल शहरामध्ये निर्जंतुकीकरण करण्याचे अभियान हाती घेण्यात होते ज्या ठिकाणी कोरोनाचा जास्त फैलाव झाला आहे व ज्या ठिकाणी अद्यापही औषधफवारणी, धूरफवारणी निर्जंतुकीकरण करण्यात आलेले नाही अशा सोसायट्या, कार्यालये व घरांमध्ये राजे प्रतिष्ठान कामगार सेनेकडून मोफत निर्जंतुकीकरण अभियान रायगड जिल्हा संघटक केवल महाडिक यांच्या नेतृत्वात हाती घेण्यात होते त्यानुसार या उपक्रमाची सुरुवात नवीन पनवेल येथील भारतीय मानवविकास ट्रस्ट संचालित बौद्धिक अक्षम मुलांची विशेष शाळा याठिकाणी मुलांच्या सुरक्षिततेच्या दृष्टीने जंतुनाशक फवारणी करण्यात आली व याशाळेच्या मैदानात वाढलेले गवत देखील काढून टाकण्यात आले. राजे प्रतिष्ठान कामगार सेनेच्या या उपक्रमाबद्दल भारतीय मानवविकास ट्रस्ट संचालित बौद्धिक अक्षम मुलांची विशेष शाळेचे संस्थापक नंदकुमार जाधव व मुख्याध्यापिका श्रेया जाधव यांनी आभार व्यक्त केले. यावेळी रायगड जिल्हा संघटक केवल महाडिक, तालुकाध्यक्ष संतोष आमले, तालुका उपाध्यक्ष विजय दुन्द्रेकर, ओमकार महाडिक, अक्षय घाडगे आदी उपस्थित होते.
