पनवेल / प्रतिनिधी : पनवेलमधील कोरोना ग्रस्त रुग्णांची संख्या ४०० झाली असताना व पनवेल विभाग रेडझोनमध्ये असून लॉकडाऊन काळामध्ये सुद्धा काही गारमेंट चे दुकान सुरू असताना पनवेलमधील कापडगल्ली येथे काहीसाडी दुकानांमध्ये गर्दी होत असून सोशियल डिस्टन्ससिंग चे पालन न करता दुकान मालक व कामगार नियमांचे उल्लंघन करत आहेत अशा प्रकारच्या वृत्ताला कापड बाजारातील व्यावसायिक लोकांनी देखील माध्यमांमार्फत उत्तर दिले असून या गर्दीचे मुख्य कारण सांगितले आहे. साड्यांच्या दुकानांमध्ये एक साडी घ्यायला संपूर्ण परिवार येत असून ४ ते ५ जण तरी एका व्यक्तीच्या मागे येत असतात तसेच कापड बाजारातील रस्ते हे अरुंद असून त्यामध्येच चारचाकी व दुचाकी वाहने रस्त्यावर पार्क असल्याने गर्दी मोठ्या प्रमाणात दिसून येत आहे असे मत कापड बाजारातील व्यावसायिकांनी मांडले. तसेच आम्ही नुकतेच पनवेलचे आमदार प्रशांत ठाकूर साहेब व परेशशेठ ठाकूर यांच्या माध्यमातून पनवेल महापालिका आयुक्तांना साडीची व कपडा दुकाने आठवड्यातून दोन दिवस उघडण्यास परवानगी द्यावी अशी विनंती केली आहे लवकरच त्यावर निर्णय होईल व आठवड्यातून दोन दिवस कपडा व साडी दुकाने उघडली गेल्यास गर्दीचे प्रमाण देखील कमी होईल असे मत कपडा व साडीच्या व्यापाऱ्यांनी मांडले.
